Goue Dagbreek

Skrywer: Bets Smith

Sy het vir so lank na hom gesoek, die man van haar hart, Ruben Dreyer.  Maar nadat sy broers doodgeskiet was, glo Ruben vas dat Catriona hulle verraai het.  So sluit Ruben aan by die oorlog (verander sy naam na Ben van den Berg) en doen hom voor as ‘n kakie offisier, Ben Sutherland, om so die kakie te probeer oorwin.  Catriona word by die rooi kruis ingesluit en help so al die manskappe wat verby kom en so ook Ruben wat gewond was.  Later, word Catriona ook ‘n spioen vir die boere om aan Ruben te bewys, dat sy hom nog lief het en by hom wil wees.  Sy stel soveel kere haar lewe in gevaar as spioen, maar steeds glo Ruben nie aan haar liefde nie.  Sy versorg Ruben en red so sy lewe deurdat sy by hom bly terwyl ander al sou opgegee het met sy wonde.  So vergewe Ruben haar en hulle besluit om te trou, maar sal die oorlog hulle die kans gee of net weer alles van haar weg te vat.  Ek het rerig hierdie boek baie geniet.  Welgedaan Bets.

Tamara

Skrywer: Chanette Paul

So word al die kinders op die Davel plaas groot, in sluitend, Tamara.  ‘n Rabadoe wat nie eenkant toe staan vir die plaaslewe nie.  Dinge moet gedoen word.  Tamara het ‘n hegte bond met haar half broer, Joshua, van kleins af.  Joshua het haar groot gemaak na haar Moeder se afsterwe.  Toe sy ‘n volwaardige vrou word, besef sy, daar is meer wat sy voel vir hierdie broer van haar.  Hulle twee behoort saam, maar dit kan mos nie werk nie.  Joshua en haar pa, probeer met alle mag vir haar ‘n man soek, voordat sy op die rak sit.  Nie dat sy lank sal kan stil sit nie.  So kom Ryk Ruben oor haar pad, wat haar wys hoe die ryk mense van die dorp lewe en wat sy as vrou alles kan kry.  Maar haar hart trek nog al die pad na Joshua.  En toe breek die oorlog uit wat alles deurmekaar maak.  Tamara besluit om, teen haar pa en broer se wil, op die plaas te bly en so vir die troepe wat verby kom, het sorg.  Ma Saar, is die enigste persoon wat die waarheid weet van Joshua maar nou is sy soek.  En Tamara moet net weet wat sy met haar liefde moet doen.  Ek het rerig hierdie boek baie geniet.  Welgedaan Chanette

Liefde binne die Wet

Skrywer: Magda Schmidt

Dit kan met enige iemand gebeur.  Eers loseer jy by ‘n ouer paartjie ‘n woonstel en dan besluit hulle om te verkoop om te gaan aftree erens anders.  So is die nuwe eienaar, niemand anders as die ongelooflike aantreklike strafregdosent.  Sommer op die eerste dag wat hy kom klas gee, slaan sy haar naam met ‘n plank, en iets wat hy nie maklik vergeet nie.  Dan trek sy vrou en kind ook later in by hom, of so het sy gedink toe Elaine en haar dogtertjie haar groet.  Later vind sy uit dat dit eintlik Martin se suster en haar dogtertjie is wat vir ‘n tydjie by hom kom bly.  Sy het nie nou tyd vir ‘n man in haar lewe nie, maar hoekom kyk Martin dan na haar soos ‘n verliefde man.  En die soen! Toe hy haar moes gaan red in Bela Bela omdat Kurt, hom soos ‘n vark gedra het, het Martin sy ware gevoelens vir Ingrid besef.  Hy is dan haar dosent en kan nie op haar verlief raak nie, dus probeer hy maar uit haar pad te bly.  Maar kan hulle altwee hulle gevoelens wegvee en met die lewe aangaan?  Ek het rerig hierdie boek baie geniet.  Welgedaan Magda

Sy Twyfel nie meer nie

Skrywer: Louise Minnaar

Ek het gevoel, hierdie verhaal is geskryf oor een van my vriendinne.  Mens kan net lag en besef, dit kan met enige iemand gebeur.  So ry Marisna en haar vriendin Lize in haar Mini oppad na hul eksamen en bots per ongeluk met ‘n ander motor wat skielik voor hulle inry.  Marisna kan nie oor die skade aan haar nuwe motor kom nie.  So spring Riaan, die bestuurder van die ander motor, tot haar redding.  Eers later word Marisna van hom as mens bewus en hulle kuier ‘n paar keer lekker saam.  So skop Marisna teen die hartkloppings in haar hart wanneer sy by hom is, want sy het tog nie nou tyd vir ‘n verhouding nie.  Sy moet ‘n sukses van haar beroep asook haar studie maak, dus het sy nie nou die tyd en krag vir ‘n man in haar lewe nie.  Al die kêrels wat haar ma vir haar reël, intereseer haar glad nie, want hulle almal is net agter die aandag en geld van haar pa aan.  Iets wat Riaan glad nie is nie.  So besluit hulle om ‘n skynverhouding te hê, maar vir hoe lank kan so ‘n skynverhouding aangaan, sonder om iets ernstig te word nie.  Ek het rerig hierdie boek baie geniet.  Welgedaan Louise.

Liefde vir ‘n Cowboy

Skrywer: Didi Potgieter

Was dit nou ‘n lekker lees.  Ek het nou wel nie tuis gevoel nie, meer asof ek ‘n fliek kyk van Hallmark.  Maar nogsteeds lekker.  Om te sien dat twee mense hals oor kop in ‘n huwelik inloop, nie rerig te dink aan die gevolge nie en watse effek dit op hulle alparte gesinne nie.  Brad het ‘n vrou nodig om sy familie plaas te red.  Hulle twee het van die begin af gekliek, maar nie mooi gedink toe hulle trou nie.  Ami vertel nie vir Brad van haar eksman en sy bose planne nie en tot watter uiterstes hy sal gaan, om haar nog verder, in ‘n slegte lig te stel.  So ver Ami gaan, probeer sy net almal gelukkig te hou en haar club, as ‘n sukses te behou.  Sy probeer altyd om uit die media te bly maar nou dat sy getroud is met Brad, moet hulle eers ‘n vertoning opsit om hulle gelukkige huwelik te bewys.  Maar soos wat dit wil, kom Brad in kontak met Ami se eksman en nou moet hy besluit of hy by haar wil bly, al is hy lief vir haar.  Ek het rerig hierdie boek baie geniet.  Welgedaan Didi.

Plek van Poue

Skrywer: Henriëtte Linde-Loubser

Ek het lank gewag om hierdie boek onder oë te kry en was dit die wag werd.  Stela begin ‘n nuwe lewe.  ‘n Lewe was sy nie altyd verstaan nie.  Sy moet die uiterste moeilike tiener tuis onderrig.  Stadig vat met haar want tieners is nie maklik nie.  Maar so was die res van die huishouding ook maar moeilik.  Hierdie vreemdelik wat op Pavo kom bly het, verander hulle lewens.  Vinnig begin daar dinge met Stela gebeur wat sy net nie kan verstaan nie.  Iemand hou haar dop en haar alewige nagmerries help ook nie.  Is sy besig om dit te verloor?  Dan moet sy saam leef dat die vorige “mistress” selfmoord gepleeg het.  Hoe kon iemand op hierdie asemrowende plaas so iets wil doen.  Of het iemand of iets haar daartoe gedryf?  Is Stela ook op die selfde pad.  Sodra jy dink jy weet wat volgende gaan gebeur, swaai die roman in ‘n ander rigting in, wat jy nooit kon dink so gebeur nie.  ‘n Definitiewe boek vir jou boekrak.  Welgedaan Henriëtte met ‘n uitstekende boek.

Uit die donker

Skrywer: Santie van der Merwe

Twee gesinne?  Ja, dit is wat Ian Strydom mee moet lewe.  Hy het Madelein, wat nie gedink het sy sal swanger raak nie en tog is die driejarige Liam daar.  En dan het hy Henriette en sy ouer kinders wat lank al nie meer pa se aandag nodig het nie.  Of het hulle?  So moet hy skelm tyd steel om saam met sy nuwe gesin, Madelein, kan spandeer.  Maar leuens kom altyd uit en lewer nooit goeie resultate nie.  Klein Liam begin ook vrae vrae oor sy pappa wat nooit by die huis slaap nie.  Madelein besef ook dat sy nie meer tevrede is om tweede viool te speel nie.  Sy wil eerste in Ian se lewe wees.  So sien een van Ian se ouer kinders, hom saam met ‘n ander gesin, kan Ian nie meer hierdie geheim wegsteek vir hulle nie.  Al het Henriette ‘n vermoede gehad, kon sy nooit dit met haar kinders deel nie – wie wil dan jou kinders seermaak en hulle goed gevormde borrel bars nie.  Kry hierdie boek en moenie ‘n dag mors voordat jy dit lees nie.  Welgedaan Santie.  Nog ‘n uitstekende boek op jou kerfstok.

Vonkelwyn en Liefde

Skrywer: Madelein Stoltz

Kan sy weer lief word vir iemand?  Haar hart oopmaak en iemand inlaat?  So begin dit vir Anouk.  Haar ouma stuur ‘n bikini foto van haar, vir die gewilde boeke skrywer Dexter.  Maar toe Anouk die aantreklike Dexter ontmoet, moet sy sterk staan want hierdie man is glad nie koud teenoor haar nie.  Daai “gewilde” foto van haar is diep in die geheue ingeprint en hy maak ook geen geheim van sy gevoelens teenoor haar nie.  Maar kan sy weer?  Gaan haar hart nie net weer seerkry soos wat Steve gemaak het nie.  Sy kan net nie ‘n toekoms saam met Dexter insien nie.  Is hy die man vir haar?  Hy staan haar by en maak dit so maklik om haar hart te verloor, hoe kan jy anders.  Anouk bly sterk staan teenoor hom of kan sy?  Kry hierdie boek op jou boekrak nou.  Vreeslike lekker lees.

Liefde vir ‘n Woudprins

Skrywer: Serena Steyn

Die lewe van ‘n rykmans kind is maklik maar die lewe gooi soms ‘n klip in die pad.  Maresa wil haar pa gaan verras vir sy verjaarsdag waar hy in die Kameroen werk.  Maar dit is nie so maklik om daar te kom nie.  So ontmoet Maresa die uber aantreklike Garth wat haar onder protes, saam met hom vat.  Maar dit kom met voorwaardes.  So stem sy in en ontmoet rerig die man agter wie Garth rerig is.  Die man wat lief is vir diere en dit sy lewe maak om na hulle om te sien.  Huxley, wat nie te lank terug haar gevra het om te trou nie, weet glad nie van haar planne nie.  Maar toe hy eers uitvind, wil hy haar met alle geweld terug vat huis toe.  Maar wil sy rerig?  Het sy nie haar liefde ontdek hier in die wilde wilde Kameroen.  Gaan koop maar gerus hierdie roman, want lekker lees, is heel bo aan die lys.  Welgedaan Serena

Man van die maand

Skrywer: Karlien Bedenhorst

Mia het nie gedink sy sal ooit ‘n onderhoud moet voer met die sjarmant, aantrekllike en intelligent alleenloper van die stad.  Alles wat sy in ‘n man wil hê.  Maar ‘n doodgewone meisie soos sy, nee.  Wat jy waar kry.  Sy ontmoet Luc Raath in sy restaurant maar sy het nie geweet dit is die alleenloper wat sy ‘n onderhoud moet voer nie.  So verloor sy haar hart op hierdie uber aantreklike man.  Maar kan die lewe so ‘n skewe grap op haar trek dat hy wel gevat is nie, of is hy?  Die beeldskone eks verloofde Jacinda is nog steeds in die prentjie en sy maak dit haar missie om in Luc se prentjie te bly.  Sy is ook glad nie skaam om daar te bly nie.  So moet die gewonde meisie wat Mia was, maar opsy staan, want wie is sy tog.  Wat ‘n lekker lees.  Jy kan maar gerus hierdie boek vir jou boekrak kry.